ইংৰাজী Sir শব্দটোৰ বিষয়ে একাষাৰ

113

ইংৰাজী Sir শব্দটোৰ বিষয়ে একাষাৰ
দিনেশ গগৈ

ইংৰাজী ভাষাৰ শব্দ Sir ৰ এটা Full form হৈছে- Slave I remain. অতীজত পশ্চিমীয়া কিছুমান দেশত মালিকসকলে দাস (Slave) বা চাকৰক তেওঁলোকৰ ওচৰত দায়বদ্ধ হৈ থাকিবলৈ Sir বুলি ক’বলৈ বল প্ৰয়োগ কৰি হ’লেও বাধ্য কৰাইছিল । অৱশ্যে বৰ্তমান সমাজত প্ৰচলিত Sir শব্দটোৰ উৎস ফৰাচী ভাষাৰ শব্দ sire. ফ্ৰান্সত সন্মানীয় লোকসকলক sire বুলি সম্বোধন কৰা হয় । ইংলেণ্ডত প্ৰথমতে Knight সকলক Sir বুলি কৈছিল । 1205 চন মানৰ পৰা উচ্চপদস্থ বিষয়াসকলৰ লগতে সন্মানীয় লোকসকলকো ইংৰাজসকলে Sir বুলি ক’বলৈ লয় । 1297 চনত ইংলেণ্ডত Sir শব্দটোয়ে লিখিত ৰূপ পায় । লেটিন ভাষাত sir ৰ অনুৰূপ শব্দ হৈছে seigner. seigner ৰ অৰ্থ senior. seigner জ্যেষ্ঠসকলক সম্বোধিত শব্দ । আমাৰ ইয়াত শিক্ষক , মন্ত্ৰী , বিধায়ক,উচ্চপদস্থ বিষয়া আদি সকলোকে ছাৰ বুলি সম্বোধন কৰা হয় যদিও বিষয়-বাবৰ পৰা অব্যাহতি লোৱাৰ পাছত বাকীসকলক নক’লেও শিক্ষাদাতা সকলক অৱসৰৰ পিচতো সাধাৰণ শ্ৰেণীৰ লোকে ছাৰ বুলিয়েই সম্বোধন কৰা দেখা যায় । আজিকালি আমাৰ ইয়াত একাংশ ক্ষুদ্ৰ ব্যৱসায়ীয়ে লংপেণ্ট-চাৰ্ট পৰিধান কৰা গ্ৰাহক (বিশেষকৈ মাছ-মাংসৰ) দেখিলেই ছাৰ বুলি সম্বোধন আৰম্ভ কৰিছে ৷