উত্তৰ পশ্চিম যোৰহাটৰ কেইবাটাও উন্নয়নমূলক কামৰ আধাৰশিলা স্থাপন

0
140

উত্তৰ পশ্চিম যোৰহাটৰ কেইবাটাও উন্নয়নমূলক কামৰ আধাৰশিলা স্থাপন
দুৰ্নীতিৰ দৰ্পণ , কনমইনা দাস, গৰুমৰা , বেলগুৰি ,১০ ফেব্ৰুৱাৰী : উত্তৰ পশ্চিম যোৰহাটৰ দেৰগাঁও সমষ্টিৰ অন্তৰ্গত ৪০নং গাওঁ পঞ্চায়ত আৰু ৩৯নং গাওঁ পঞ্চায়তৰ বিভিন্ন গাঁৱত ৩৩নং যোৰহাট মিচিং স্বায়ত্বশাসিত পৰিষদৰ কাৰ্যবাহী সদস্য পুৰুষোত্তম দলে ডাঙৰীয়াই আজি অৰ্থাৎ ১০ ফেব্ৰুৱাৰী,২০২১ তাৰিখে ২০২০-২০২১বিত্তীয় বৰ্ষৰ উন্নয়ণমূলক কাম প্ৰায় ১০খন গাঁৱত আধাৰশিলা স্থাপন কৰে। বিশেষকৈ ৩৯গাঁও পঞ্চায়তৰ অন্তৰ্ভুক্ত কলবাৰী নামঘৰ,কলবাৰী ৰাজ্যিক স্বাস্থ্য কেন্দ্ৰৰ চাৰিসীমাৰ পকীবেৰা,৪০নং গাওঁ পঞ্চায়তৰ বাঁহফলাৰ মুৰংঘৰ, ইপৰীৰা মুৰংঘৰ, বৰমুকলিৰ লাখেৰাজ জনজাতি উচ্চ মাধ্যমিক বিদ্যালয়ৰ শ্ৰেণীকক্ষ,নেউলগাঁৱত জমা পানী আৰু আৱৰ্জনা নিষ্কাষণৰ বাবে চেলেন কাটিং,খকনগুৰিৰ RCC Culvert,৪০নং গাওঁ পঞ্চায়তৰ ললিতি গাঁৱৰ মুৰংঘৰ ইত্যাদি বিভিন্ন ধৰণৰ যোগাত্মক উন্নয়ণৰ কামৰ আধাৰশিলা স্থাপন কৰে।৩৩নং যোৰহাট মিচিং স্বায়ত্বশাসিত পৰিষদৰ মাননীয় কাৰ্যবাহী সদস্য পুৰুষোত্তম দলে ডাঙৰীয়াক এই আধাৰশিলা কাৰ্যসূচীত ৩৯নং গাঁও পঞ্চায়তৰ সভানেত্ৰী মিনাক্ষী দলে পাটিৰ ,৪০নং গাওঁ পঞ্চায়তৰ সভাপতি দ্বীপেন কুটুম, যোৰহাট জিলাৰ MMKৰ সভাপতি হৰেণ ৰিচং,TMPKৰ যোৰহাট জিলা সমিতিৰ সভাপতি প্ৰফুল্ল মিছং, লগতে সন্মিলিত গণশক্তি অসমৰ বিষয়ববীয়া, বিভিন্ন দল সংগঠনৰ বিষয়ববীয়া, স্থানীয় ৰাইজে সামূহিক উন্নয়ণৰ এনে গঠনমূলক পদক্ষেপত অংশগ্ৰহণ কৰে। উত্তৰ পশ্চিম যোৰহাটৰ দেৰগাঁও সমষ্টিৰ অন্তৰ্গত ৪০নং জনজাতি গাওঁ পঞ্চায়তৰ বাবে গ্ৰহণ কৰা এনে ধনাত্মক কামৰ বাবে স্থানীয় ৰাইজ, বিভিন্ন দল সংগঠনৰ নেতৃবৰ্গ, বিভিন্ন বিদ্যালয়ৰ শিক্ষক সকলে আন্তৰিকতাৰে ধন্যবাদ জ্ঞাপন কৰিছে বুলি জানিবলৈ দিয়ে।

LEAVE A REPLY

Please enter your comment!
Please enter your name here