টৌভঙাত মিচিং সম্প্ৰদায়সকলে অনুষ্ঠিত কৰা পবিত্ৰ কৃষি ভিত্তিক উৎসৱ আলি আয়ে লৃগাঙৰ মঞ্চ উদ্ধোধন বিধায়ক পদ্ম হাজৰিকাৰ

    0
    66

    টৌভঙাত মিচিং সম্প্ৰদায়সকলে অনুষ্ঠিত কৰা পবিত্ৰ কৃষি ভিত্তিক উৎসৱ আলি আয়ে লৃগাঙৰ মঞ্চ উদ্ধোধন বিধায়ক পদ্ম হাজৰিকাৰ
    দুৰ্নীতিৰ দৰ্পণ সেৱা , জামুগুৰিহাটৰ পৰা চন্দন শৰ্মাৰ প্ৰতিবেদন , ১৮ ফেব্ৰুৱাৰীঃ শোণিতপুৰ জিলাৰ নদুৱাৰৰ অন্তৰঁগত টৌভঙাত বুধবাৰৰ দিনটোত মিচিং ৰাইজে ব্যাপক কাৰ্য্যসুচীৰে অনুষ্ঠিত কৰে মিচিং সম্প্ৰদায় লোকসকলৰ পৱিত্ৰ কৃষি ভিত্তিক উৎসৱ আলি আয়ে লৃগাং ৷ দিনটোৰ পৰম্পৰাগত বিভিন্ন কাৰ্য্যসুচীৰ অন্তত নিশালৈ অনুষ্ঠিত কৰে বাৰেৰহনীয়া সাংস্কৃতিৰ কাৰ্য্যসুচী ৷ সাংস্কৃতিক কাৰ্য্যসুচীৰ মঞ্চৰ শুভ উদ্ধোধন কৰে চতিয়া সমষ্টিৰ বিধায়ক পদ্ম হাজৰিকাই। মঞ্চ উদ্ধোধন কৰি বিধায়ক পদ্ম হাজৰিকাই ভাষণ প্ৰসঙ্গত কয়-বৃহত্তৰ অসমীয়া জাতি গঠনত মিচিং সম্প্ৰদায়ৰ ৰাইজৰ এক সুকিয়া অবদান আছে ৷ অসমভূমিত সমন্বয়ৰ সাকো গঢ়ি বিভিন্ন জাতি জনগোষ্ঠীৰ মাজত সম্প্ৰতিৰ এনাজৰিডাল কটকটীয়া কৰাত মিচিং ৰাইজে যি ভূমিকা পালন কৰি আহিছে , সেই আদৰ্শ আমি গ্ৰহণ কৰা উচিত ৷ আলি আই লৃগাংৰ এই প্ৰবিত্ৰ দিনটোত মিচিং জনজাতি ৰাইজৰ সৰ্ব্বতো বিকাশৰ আমি কামনা কৰিলো বুলিও মন্তৱ্য কৰে বিধায়ক পদ্ম হাজৰিকাই ৷ বিধায়ক গৰাকীয়ে পৰম্পৰাগত খাদ্যৰ সোৱাদ লোৱাৰ উপৰি চাংঘৰত বহি নৃত্য-গীতো উপভোগ কৰাৰ লগতে উৎসৱটিৰ জৰিয়তে মিচিং ৰাইজক আন্তৰিক শুভেচ্ছাও জ্ঞাপন কৰে। উক্ত সাংস্কৃতিক অনুষ্ঠানত অসমৰ জনপ্ৰিয় কন্ঠশিল্পী সিমান্ত শেখৰৰ সঙ্গীতানুষ্ঠানে সকলো ৰাইজৰ মন আপ্লুত কৰে ।

    LEAVE A REPLY

    Please enter your comment!
    Please enter your name here