ডেনিয়েল তপ্নৰ হত্যাৰ গোচৰত অভিযুক্ত ৰিপুন বৰাৰ বিৰুদ্ধে সৰব পল্লৱলোচন দাস

    0
    40

    ডেনিয়েল তপ্নৰ হত্যাৰ গোচৰত অভিযুক্ত ৰিপুন বৰাৰ বিৰুদ্ধে সৰব পল্লৱলোচন দাস
    দুৰ্নীতিৰ দৰ্পণ সেৱা,জামুগুৰিহাটৰ পৰা চন্দন শৰ্মাৰ প্ৰতিবেদন,২৪ ফেব্ৰুৱাৰী: চাহজনজাতি নেতা ডেনিয়েল তপ্নৰ হত্যাৰ গোচৰত অভিযুক্ত ৰিপুন বৰাই কি চাহজনজাতি কথাৰ চিন্তা কৰিব ৷ চাহজনজাতি নেতা হত্যা কৰি তিহাৰ জেলৰ ভাত খোৱা ৰিপুনে চাহবাগিছাৰ শ্ৰমিকৰ কথা কোৱাৰ নৈতিক অধিকাৰ নাই ৷ এই গৰাকী ৰিপুন বৰাকে এতিয়া কংগ্ৰেছে মূখ্যমন্ত্ৰীৰ মুকুট পিন্ধাইছে ৷ হত্যাৰ গোচৰত অভিযুক্ত ৰিপুন বৰাৰ কাষত কেতিয়াও চাহজনজাতি ৰাইজ সুৰক্ষিত নহয় ৷ এটা সৰু ৰাজনৈতিক দলেও ৰিপুন বৰাৰ নিচিনা মানুহক সভাপতি নেপাতে কিন্তুু কংগ্ৰেছে ৰিপুন বৰাক সভাপতি পতাৰ পাচত চাহজনজাতি ৰাইজে কংগ্ৰেছক কিয় গ্ৰহণ কৰিব ৷ এই মন্তৱ্য তেজপুৰ লোক সভা সমষ্টিৰ সাংসদ পল্লৱ লোচন দাসৰ ৷ আজি বুধবাৰে চতিয়া সমষ্টিৰ অন্তৰ্গত জামুগুৰিহাটৰ পৰিদৰ্শন ভৱন প্ৰাঙ্গণত অনুষ্ঠিত চতিয়া সমষ্টিৰ চাহ মৰ্চ্চাৰ এক সভাত অংশ গ্ৰহণ কৰি আৰু কয়-২০১৬ চনৰ আগত অসমৰ চাহজনজাতি ৰাইজে একোৱেই লাভ কৰা নাছিল ৷ কংগ্ৰেছে চাহজনজাতি ৰাইজৰ ইতিহাস নাইকিয়া কৰি পেলালে ৷ আমাক ভোট বেংক হিচাপে ব্যৱহাৰ কৰি আহিছিল ৷ বহুত যুগৰ পাচত নৰেন্দ্ৰ মোদীয়ে আমাক পোহৰ দিলে ৷ ইতিহাস হেৰাই যোৱা মানুহৰ স্বীকৃতি দিলে ৷ বাগানৰ উন্নয়নৰ বাবে এক হেজাৰ কোটি টকা আবণ্টন দিয়াৰ সিদ্ধান্ত লৈছে নৰেন্দ্ৰ মোদীয়ে ৷ বিজেপিৰ চাহ মৰ্চ্চাৰ সভাখনত চতিয়াৰ বিধায়ক পদ্ম হাজৰিকাই কয়-২০১৫ লৈকে অসমত চাহজনজাতি ৰাইজ সুৰক্ষিত নাছিল ৷ উগ্ৰপন্থীৰ আক্ৰমণৰ বলী হৈছিল চাহজনজাতি ৰাইজ ৷ শান্তিৰ কাৰণে,সম্প্ৰতিৰ কাৰণে বিজেপিক অসমত প্ৰয়োজন আছে ৷ অসম বচাও নহয়-কংগ্ৰেছ বচাও অভিযানত নামি পৰিছে কংগ্ৰেছ দলটো ৷ বিহুৰ আগতেই কংগ্ৰেছ দলটো নিপাত যোৱাটো নিশ্চিত বুলি মন্তৱ্য কৰে বিধায়ক পদ্ম হাজৰিকাই ৷ কংগ্ৰেছৰ ভূৱা প্ৰচাৰত ভোল নেযাবলৈও চাহজনজাতি ৰাইজক আহ্বান জনায় বিধায়ক পদ্ম হাজৰিকাই ৷

    LEAVE A REPLY

    Please enter your comment!
    Please enter your name here