কংগ্ৰেছে মাটি দখলেই নহয়, মানুহ ৰপ্তানি কৰাৰ ষড়যন্ত্ৰ চলাই আছেঃ মুখ্যমন্ত্ৰী হিমন্ত বিশ্ব শৰ্মা

116

কংগ্ৰেছে মাটি দখলেই নহয়, মানুহ ৰপ্তানি কৰাৰ ষড়যন্ত্ৰ চলাই আছেঃ মুখ্যমন্ত্ৰী হিমন্ত বিশ্ব শৰ্মা

দুৰ্নীতিৰ দৰ্পণ, ষ্টাফ ৰিপৰ্টাৰ, ২৫ ছেপ্টেম্বৰঃ ছিপাঝাৰৰ গৰুখুঁটিৰ কাণ্ডকলৈ ৰাজ্যৰ সৰ্বত্ৰে প্ৰতিক্ৰিয়া অব্যাহত আছে । মুখ্যমন্ত্ৰী হিমন্ত বিশ্ব শৰ্মাই ইতিমধ্যে ঘটনাৰ সন্দৰ্ভত স্পষ্টীকৰণ দিয়াৰ লগতে উচ্ছেদ চলিবই বুলি দৃঢ়তাৰে প্ৰকাশ কৰে । শনিবাৰে মুখ্যমন্ত্ৰী গৰাকীক পুনৰ এবাৰ আক্ৰমণাত্মক ৰূপত দেখিবলৈ পোৱা গ’ল । ছিপাঝাৰত উচ্ছেদিত জনতাক কংগ্ৰেছ আৰু এ আই ইউ ডি এফে উচটনি দিয়াৰ অভিযোগ উত্থাপিত কৰে মুখ্যমন্ত্ৰী গৰাকীয়ে । মুখ্যমন্ত্ৰী হিমন্ত শৰ্মাই কয় যে,ৰাহুল গান্ধীৰ ধাৰণা অসমীয়াক বিদায় দিয়া । কংগ্ৰেছে অসমীয়াৰ কথা শুনা নাই,অসমীয়াক বিদায় দিব বিচাৰিছে । এনেও ১০ বছৰৰ পিছত সাম্প্ৰদায়িকতা হ’বলৈ গৈ আছে । যিখিনি সময় মোক দিছে , তাৰ উচিত ব্যৱহাৰ হ’ব । মুখ্যমন্ত্ৰী গৰাকীয়ে লগতে কয় যে , ৰাজ্যত এতিয়া কেৱল মাটি দখলেই নহয় , মানুহ ৰপ্তানি দিয়াৰো এক ষড়যন্ত্ৰ চলি আছে । আৰু এই সকলোবোৰ ষড়যন্ত্ৰৰ আঁৰত আছে কংগ্ৰেছ । এইবাৰো বহুত ডাঙৰ পৰিকল্পনা । এতিয়া ছিপাঝাৰ আৰু বৰচলা এই দুটা সমষ্টি টাৰ্গেট হৈছে । এই সকলোবোৰ মাটি দখল কৰা লোক দলগাওঁ আৰু মংগলদৈৰ । ৰাজ্যত মাটি দখলৰ বহুত ডাঙৰ পৰিকল্পনা চলি আছে বুলি মন্তব্য কৰে মুখ্যমন্ত্ৰী হিমন্ত বিশ্ব শৰ্মাই ৷