শৈক্ষিক ক্ষেত্ৰৰ উত্তৰণৰ পদক্ষেপ বজালী উপায়ুক্তৰ , প্ৰস্ততিৰ আধাৰত বিদ্যালয়ত পাঠদান

65

শৈক্ষিক ক্ষেত্ৰৰ উত্তৰণৰ পদক্ষেপ বজালী উপায়ুক্তৰ , প্ৰস্ততিৰ আধাৰত বিদ্যালয়ত পাঠদান

দুৰ্নীতিৰ দৰ্পণ সেৱা,সঞ্জীৱ দাস , ভৱানীপুৰ,৭ ছেপ্টেম্বৰঃ কোৰোনা কেন্দ্ৰিক পৰিবেশে শিক্ষায়তনিক বাতাবৰণ একেবাৰে ৰুদ্ধ আৰু বিধ্বস্ত কৰি পেলোৱাৰ পাছত সম্প্ৰতি শিক্ষানুষ্ঠানত পাঠদান প্ৰক্ৰিয়া আৰম্ভ হোৱাত শিকাৰুৰ মনত নিসন্দেহে আশাৰ সঞ্চাৰ হৈছে । দীৰ্ঘদিন শ্ৰেণী কোঠাত পাঠদান ব্যাহত হোৱাৰ পাছত শিক্ষাৰ্থী সকলে কিদৰে নিজক শ্ৰেণীকোঠাত অভিৰোচিত কৰিব আৰু প্ৰয়োজনীয় অৰ্হতা আয়ত্ব কৰি নিজকে ভৱিষ্যতৰ দিনত নিৰ্মাণ কৰিব ,সেই অভিলাষী লক্ষ্য সন্মুখত ৰাখি বজালীৰ উপায়ুক্ত ভাৰত ভূষণ দেৱ চৌধুৰীয়ে শিক্ষানুষ্ঠানত শিক্ষাৰ্থীৰ সতে শ্ৰেণীকোঠাত মত বিনিময় কৰাৰ প্ৰস্ত্ততি শীৰ্ষক এক যাত্ৰা আজিৰে পৰা আৰম্ভ কৰিছে। উপায়ুক্ত গৰাকীয়ে অনুভৱ কৰে প্ৰতি গৰাকী শিক্ষাৰ্থীয়ে শিক্ষকৰ পৰা যিমান শিকে ,অনুৰূপ ধৰণে শিক্ষকেও শিক্ষাৰ্থীৰ পৰা কম নিশিকে। সকলো মানুহেই অনানুষ্ঠানিক ভাৱে ছাত্ৰ আৰু প্ৰত্যকৰে জীৱনভৰ শিকিবলগীয়া থাকে । উপায়ুক্ত দেৱ চৌধুৰীয়ে আজি প্ৰস্ত্ততিৰ আধাৰত বজালী উচ্ছতৰ মাধ্যমিক বিদ্যালয়ৰ চুড়ান্ত বৰ্ষৰ শিক্ষাৰ্থীৰ সতে শ্ৰেণীকোঠাত মত বিনিময় কৰে। চুড়ান্ত বৰ্ষৰ শিক্ষাৰ্থী সকলৰ অধ্যায়ণ প্ৰণালী আৰু শ্ৰেণীৰ পৰীক্ষাৰ অধ্যায়ণ প্দ্ধতি একেবাৰে পৃথক বুলি উল্লেখ কৰি উপায়ুক্ত গৰাকীয়ে কয় যে,চুড়ান্ত বৰ্ষত শিক্ষাৰ্থী সকলে কেনেদৰে পঢ়িব,কিদৰে আগবাঢ়িব আৰু বিজ্ঞান সন্মত ৰূপত কেনদৰে নিজকে ভৱিষ্যতৰ দিনত গঢ়ি তুলিব , তাৰেই ওপৰতেই শ্ৰেণীকোঠাত তেওঁ শিক্ষাৰ্থীক শিকাব,বুজাব আৰু অধ্যায়ণ স্পৃহা বৃদ্ধিৰ বাবে অভিৰোচিত কৰিব । ছাত্ৰ-ছাত্ৰীৰ যথেষ্ট শিকাৰ আগ্ৰহ আছে,তেওলোক কৌতুহল আৰু অনুসন্ধিৎষু । তেওঁলোকে জানিব বিচৰা বিষয়টো সন্দৰ্ভত তেওলোকক জনাব নোৱাৰাতো তেওঁলোকৰ বিফলতা নহয় । সেয়া শিক্ষক আৰু আমাৰ সমাজৰ সচেতন ব্যক্তিৰহে বিফলতা । শিক্ষাৰ্থী সকলৰ ভৱিষ্যত যদি পৰিকল্পিত আৰু বিজ্ঞানসন্মত ভাৱে আমি নিৰ্মাণ কৰাত সহযোগিতা আগবঢ়াব পাৰো , তেনেহলে ইয়াতকৈ সুখকৰ কথা আন একোৱেই হব নোৱাৰে বুলিও উপায়ুক্ত গৰাকীয়ে অনুভৱ ব্যক্ত কৰে। সকলোৱে সকলো কথা জানিব, এনে কথা নহয় । কিন্ত অধ্যায়ণ কৰি হলেও নিজে নজনাতো শিক্ষাৰ্থীক শিকাব লাগিব বুলি সদৰী কৰি আজি বজালী উচ্ছতৰ মাধ্যমিক বিদ্যালয়ৰ দ্বাদশ শ্ৰেণীৰ শিক্ষাৰ্থীৰ সতে শ্ৰেণীকোঠাত মত বিনিময় কৰি তেওঁৰ ব্যক্তিগত ফোন নম্বৰ আৰু মেইল আই ডি দিয়ে আৰু কয় যে,কোনো শিক্ষাৰ্থীয়ে যদি কিবা বিষয়ত কঠিনতাৰ সন্মুখীন হয়,তেনেহলে তেওঁ নিজে নাজানিলেও আনৰ ওচৰত শিকি,অধ্যায়ণ কৰি শিক্ষাৰ্থীৰ কঠিনতা দূৰ কৰাই দিব । মত বিনিময় কৰাৰ সময়ত উপায়ুক্তক সঙ্গ দিয়ে বিদ্যালয়ৰ অধ্যক্ষ সঞ্জীৱ তালুকদাৰে । উপায়ুক্তই প্ৰস্তুতিত আধাৰত কৰা এই শৈক্ষিক জ্যোতিষ্মান যাত্ৰা জিলাখনৰ সকলো শিক্ষানুষ্ঠানৰ চুড়ান্ত বৰ্ষৰ ছাত্ৰৰ স’তে অব্যাহত থাকিব বুলি কোৱা হৈছে। প্ৰাসঙ্গিকভাৱে উপায়ুক্ত দেৱ চৌধুৰীৰ এই যাত্ৰাই জিলাখনৰ শৈক্ষিক পৰিমণ্ডলত যথাৰ্থ ৰূপত নৱোন্মেষৰ সূচনা কৰিব ।