ইউৰোপৰ সু-উচ্চ শৃংগ মাউন্ট এলব্ৰুছ আৰোহণ কৰি অসমলৈ গৌৰৱ কঢ়িয়াই আনিলে ডিব্ৰুগড় মৰাণ চেপনৰ নৱ কুমাৰ ফুকনে

251

দুৰ্নীতিৰ দৰ্পণ সেৱা,ডিব্ৰুগড় ৬ আগষ্ট : অসম কন্যা লাভলীনা বৰগোহাঁইয়ে টকিঅ অলিম্পিকত বক্সিঙৰ ব্ৰঞ্জ পদক লাভ কৰি গৌৰৱ কঢ়িওৱাৰ দিনাই আন এজন অসমীয়া নৱ কুমাৰ ফুকনে ইউৰোপৰ সুউচ্চ শৃংগ মাউন্ট এলব্ৰুছ আৰোহণ কৰি অসমলৈ গৌৰৱ কঢ়িয়াই আনে । পৰ্বতাৰোহী নৱ কুমাৰ ফুকনে আজি দুপৰীয়া ইউৰোপ মহাদেশৰ ৰাচিয়াৰ ৫৬৪২ মিটাৰ উচ্চতাৰ মাউন্ট এলব্ৰুছ জয় কৰে । তেওঁ মাউন্ট এলব্ৰুছৰ শীৰ্ষত ভৰি থৈ অসম গৌৰৱ এশিঙীয়া গঁড়ৰ সংৰক্ষণৰ কৰাৰ লগতে প্ৰকৃতি সংৰক্ষণৰ চিত্ৰ সম্বলিত  অসমীয়া গামোচা প্ৰদৰ্শন কৰে। তেওঁ ভাৰতৰ প্ৰধানমন্ত্ৰী নৰেন্দ্ৰ মোদী, অসমৰ মুখ্যমন্ত্ৰী ড হিমন্ত বিশ্ব শৰ্মাৰ ফটো সম্বলিত পোষ্টাৰ প্ৰদৰ্শন কৰে। ডিব্ৰুগড় জিলাৰ মৰাণ চেপনৰ শান্তি বনৰ নিৱাসী তথা চেপন উচ্চ মাধ্যমিক বিদ্যালয়ৰ শাৰীৰিক নিৰ্দেশক নৱ কুমাৰ ফুকনৰ সাফল্যত মৰাণ , চেপন, ডিমৌ অঞ্চলত আনন্দৰ বন্যা হৈছে।