মৰিগাঁৱত আৰ জি ভি এনৰ উদ্যোগত ৬০০ গৰাকী সুখী বাইদেউক প্ৰমাণ পত্ৰ বিতৰণ
ষ্টাফৰিপৰ্টাৰ , মৰিগাঁও ,২৮ জানুৱাৰী : মৰিগাওঁ গান্ধী ভৱনত আজি আৰ জি ভি এনৰ উদ্যোগত অসমৰ চাৰিখন জিলাৰ ৬০০ গৰাকীকৈ সুখী বাইদেউক প্ৰমাণ পত্ৰ বিতৰণ কৰে।উল্লেখ্য যে,২০১২ চনৰ পৰা আৰম্ভ হোৱা “মই প্ৰগতি আচঁনি* অধীনত মৰিগাওঁ জিলাত এশ গৰাকী সুখী বাইদেউ নামৰ বিত্তীয় পৰামৰ্খদাতা হিচাপে প্ৰমাণ পত্ৰ প্ৰদান কৰা হয় । গাম্য অঞ্চলৰ মহিলা সকলক বিভিন্ন আচঁনি তথা দৈনন্দিন জীৱনত বিত্তীয় লেন দেন নিয়াৰিকৈ কৰিব পৰাকৈ তেওঁলোকক পৰামৰ্খ দিবৰ বাবে আৰ জি ভি এনে এক প্ৰচেষ্টা হাতত লৈছে । বৰ্তমান ডিজিটেল যুগত নিজৰ মবাইলৰ যোগেদি বিত্তীয় লেন দেন তথা বিভিন্ন আচঁনিৰ সুবিধা যাতে ঘৰতে কৰিব পাৰে , সেই উদ্দেশ্যে এই সকল সুখী বাইদেউক নিযুক্তি দিয়া হৈছে বুলি জানিবলৈ দিয়ে উদ্যোক্তা সকলে । এই অনুষ্ঠানত উপস্থিত থাকে আৰ জি ভি এনৰ কাৰ্যকৰী সঞ্চালক ডঃ অমিয় কুমাৰ শৰ্মা আচঁনি পৰিচালক সংযুক্তা কাশ্যপ সভাপতি পনৱ দাসৰ লগতে বহু কেইজন বিষয়া কৰ্মচাৰী উপস্থিত থাকে।
