সোনতলীৰ ৰঙাপানীত চৰকাৰী বিদ্যালয়ৰ ভূমি বেদখল

327

সোনতলীৰ ৰঙাপানীত চৰকাৰী বিদ্যালয়ৰ ভূমি বেদখল

দুৰ্নীতিৰ দৰ্পণ সেৱা, স্বাহ স্বাহিন জামান আহমেদ, নগৰবেৰা, ১৭ আগষ্টঃ কামৰূপ জিলাৰ বকো সমষ্টিৰ ছমৰীয়া শিক্ষা খণ্ডৰ অন্তৰ্গত ৩ নং দক্ষিণ ৰঙাপানী বালিকা প্ৰাথমিক বিদ্যালয়ৰ ভূমি বেদখল । যিসময়ত চৰকাৰে চৰকাৰী ভূমি বেদখলকাৰীক বিভিন্ন ঠাইত উচ্ছেদ কৰি বেদখল মুক্ত কৰি আছে , ঠিক তেনে সময়তে ৩ নং দক্ষিণ ৰঙাপানী বালিকা প্ৰাথমিক বিদ্যালয়ৰ ভূমি বেদখল কৰি বেদখলকাৰীয়ে দপদপাই আছে । জানিব পৰা মতে , বিদ্যালয় খনৰ প্ৰধান শিক্ষক ওমৰ আলীৰ নিজ ভতিজা ফুলচান আলী আৰু স্বাহ কামাল উদ্দিনে বিদ্যালয় খনৰ মাটি বেদখল কৰি আছে । ৩ নং দক্ষিণ ৰঙাপানী বালিকা প্ৰাথমিক বিদ্যালয়ৰ নামত দুই বিঘা এক কাঠা ১৭ লেচা মটি থকা সত্ত্বেও বিদ্যালয়ৰ ছাত্র- ছাত্রীয়ে খেল ধেমালি কৰাৰ বাবে পৰ্যাপ্ত পৰিমানৰ খেল পথাৰ নাই বুলি ৰাইজে অভিযোগ উত্থাপন কৰে । বিদ্যালয়ৰ প্ৰধান শিক্ষকৰ নিজ ভতিজা বিদ্যালয়ৰ মাটি বেদখল কৰি ঘৰ সাজি বসবাস কৰি আছে । স্থানীয় ৰাইজে ৩ নং দক্ষিণ ৰঙাপানী বালিকা প্ৰাথমিক বিদ্যালয়ৰ ভূমি বেদখলকাৰীক উচ্ছেদৰ বাবে ছমৰীয়া ৰাজহ চক্ৰ বিষয়াক লিখিত অভিযোগ দিয়ে । শনিবাৰৰ দিনা নাট মণ্ডল পুতুল মজুমদাৰে বিদ্যালয়ত উপস্থিত হৈ তদন্ত কৰিলে বিদ্যালয়ৰ ভূমি । অভিযোগ মতে , বিদ্যালয়ৰ ভূমিত চৰকাৰী আৱাস যোজনাৰ ঘৰ পৰ্যন্ত সাজি লৈছে বেদখলকাৰীয়ে । এতিয়া প্ৰশ্ন হয় , বেদখল মুক্ত হবনে ৩ নং দক্ষিণ ৰঙাপানী বালিকা প্ৰাথমিক বিদ্যালয়ৰ ভূমি । শীঘ্রে বেদখলকাৰীৰ কবলৰ পৰা বিদ্যালয়ৰ ভূমি বেদখল মুক্ত কৰিবলৈ দাবী জনায় স্থানীয় ৰাইজে ।