আই চি চি টি–২০ ৰেংকিঙৰ বেটছমেন শাখাত স্থানৰ উন্নতি , চতুর্থলৈ উন্নীত কোহলি, ষষ্ঠত ৰাহুল

74

আই চি চি টি–২০ ৰেংকিঙৰ বেটছমেন শাখাত স্থানৰ উন্নতি , চতুর্থলৈ উন্নীত কোহলি, ষষ্ঠত ৰাহুল

ষ্টাফ ৰিপৰ্টাৰ, দুৰ্নীতিৰ দৰ্পণ, ১৬ ছেপ্টেম্বৰঃ ভাৰতীয় ক্রিকেট দলটোৰ অধিনায়ক বিৰাট কোহলিৰ আই চি চি টি–২০ ৰেংকিঙৰ বেটছমেন শাখাত স্থানৰ উন্নতি ঘটিছে ৷ সদ্যঘোষিত প্রকাশ পোৱা ৰেংকিঙত কোহলিয়ে এটা স্থান আগুৱাই চতুর্থলৈ উন্নীত হৈছে ৷ ইফালে, ইংলেণ্ডৰ ডেভিদ মালানে শীর্ষস্থান দখল কৰি থকা বেটছমেন শাখাত ভাৰতীয় দলটোৰ তাৰকা বেটছমেন লোকেশ ৰাহুলে ষষ্ঠ স্থানটো অক্ষুণ্ণ ৰাখিছে ৷ পাকিস্তানৰ বাবৰ আজমে দ্বিতীয় আৰু অষ্ট্রেলিয়াৰ আৰন ফিনছে ক্রমে দ্বিতীয় আৰু তৃতীয় স্থানটো অক্ষুণ্ণ ৰখাৰ বিপৰীতে নিউজিলেণ্ডত ডেভিদ কনৱেইপঞ্চম স্থানলৈ অৱনমিত হৈছে ৷ আনহাতে, কেৰিয়াৰশ্রেষ্ঠ অষ্টম স্থানলৈ উন্নীত হৈছে দক্ষিণ আফ্রিকাৰ উইকেটকীপাৰ বেটছমেন কুইণ্টন ডি কক ৷ শ্রীলংকাৰ বিপক্ষে সদ্যসমাপ্ত তিনিখনীয়া টি–২০ শৃংখলাটোত উন্নত প্রদর্শন দাঙি ধৰাৰ সুবাদত ৰেংকিঙত স্থানৰ উন্নতি ঘটে ডি ককৰ ৷ ইপিনে,দক্ষিণ আফ্রিকাৰ টব্রেইজ ছামছিয়ে শীর্ষস্থান দখল কৰি থকা বলিং শাখাত প্রথম সাতটা স্থানত কোনো ধৰণৰ লৰচৰ হোৱা নাই৷ দুটা স্থান আগুৱাই বাংলাদেশৰ মুস্তাফিজুৰ ৰহমানে অষ্টম স্থানলৈ উন্নীত হৈছে ৷